Kohhran Chanchin

First Mizo Community Church of Indianapolis chu Mizo kohhran hrang hrang, Burma ram atanga Indianapolis, Indiana a pem khawm te hmangin Lalpa’n Pathianni, July 8,2012 khan a din a. Pathianni chawhnu 1:00 PM apiangin Southminster Presbyterian Church ah kan in khawm thin.

Inrinni zan apiangin tawngtai inkhawm kan nei thin a. Thalai inkhawm leh Hmeichhe inkhawm thla khatah vawi khat kan nei thin bawk. Pathianni apiangin puitling inkhawm chhungin naupang lam in Sunday school an lo nei ve thin a. Naupang senior department te pualin Zirtawpni zan apiangin inkawmna buatsaih thin a ni. Tin, thla khata Inrinni hmasaber chawhma lam ah chawnghei tawngtai kan nei bawk thin.